بسم الله الرحمن الرحيم
السلام عليكم ورحمة الله وبركاته
تكريم لاغنية شد حيلك ياعراق
كرم مركز حوار للدراسات والبحوث كرم كادر اغنية شد حيلك ياعراق
والموجوده في منتدانا الغالي وكان اول منتدى ينشر الاغنيه
وجاء تكريم الاغنيه لكلماتها الوطنيه الرائعه وادائها المميز
الجميل من قبل عمالقة الاغنيه العراقيه
صلاح حسن ونصرت البدر
وتم تكريم كاتب الاغنيه الشاعر المبدع ضياء الميالي *
ومن خلال منتدانا نحيي نصرت البدر وصلاح حسن وضياء الميالي
على هالاغنيه الراقيه التي حركت مشاعر كل عراقي شريف
واليكم كلمات الاغنيه
يا عراق يومك هل يوم
يا عراق شد حيلك كوم
ذولة احنا رجال الغيرة
سكان الدنيه بديرة
بالذل ما نرضة بيوم
والحسين ودم العباس
ما نرضة بالذل يا ناس
لو شفنا الدنيا عداوة
الكون وياه نتلاوة
لتكول لو مهما يكون معليه معليك شلون
انت ابن الوطن الغالي راسك دوم يضل عالي
بالذل ما نرضة بيوم شد حيلك يله وكوم
خليك لو شفت الموت لا تنطي للضالم صوت
انتخب الي يحب شعبه والظالم لا تنتخبة
لتضل دومك مضلوم شد حيلك يله وكوم
يا عراق شفنه احنا اشكال
رجال واشباه ارجال
جربناهم وعرفنا الي يحبنه من الميحبنه
منريد هذه ولا ذاك نريد بس الي يهواك
الي يتعب لعيون اهله
ينتخبه فرات ودجله ...
بالذل ما نرضة بيوم شد حيلك يله وكوم
مو عيب غيرك نختار ..
لو نار نريدك نار
الي يخونك مو زلمه
ما راضع من صدر امه ..
بالذل ما نرضة بيوم شد حيلك يله وكوم
يا سور وبفيه انام .. وياك شدينه حزام
العاداك انفوت بعينه لحن بحبك ذبينه
بالذل ما نرضة بيوم شد حيلك يله وكوم
ياعراق ثابت خليك
معاش الي يندك بيك ..
بس ضل واكف على طولك ولدك فدوه يروحولك
شد حيلك يله وكوم
بالذل ما نرضة بيوم شد حيلك يله وكوم
الثلاثاء يوليو 01, 2014 2:18 pm من طرف 
