الكسندرا Admin
عدد المساهمات : 213 السٌّمعَة : 0 تاريخ التسجيل : 02/07/2009 العمر : 35
| موضوع: قصة طالب يريد يصارح بنيه طالبة وياه بالقسم(قصيدة تحشيش)....... الأربعاء يوليو 29, 2009 2:47 pm | |
| قصة طالب يريد يصارح بنيه طالبة وياه بالقسم (قصيدة تحشيش)
طالب وعايف دروسي واقرا اشعار وجرايد
وعاشگ بنيه بقسمنه والگلب بس الها رايد
هي حلوة .. هواية حلوة واني عمي شلون واحد
بالفرن ناسيني اهلي وحتى لون عيوني جارد
حاولت الفت نظرها بكل وسيلة وماكو فايد
غيرت لبسي ومشيتي وفكري بالمودات شارد
وجللت شعري وصبغته ولبست حتى گلايد
گعدتني ع الحديدة لا بعت حتى الحدايد
لا تگلي ولا اگلك بهذلتني الله شاهد
وهي تدري بس خبيثة مثولة والدلال بارد
وانه نار بنص دليلي خاف اصارحها وتعاند
مرة اگول احجي معاها ومرة اگولن خلني راچد وين چانتلي يربي چنت متونس وگاعد
وقررت لازم ابوح بحبي الها وما احايد
بوري ما بوري اسولف قابل مصارح مجاهد
جيت وتقربت يمها جسمي يرجف حيلي بايد
والضغط يمي تخربط مرة نازل مرة صاعد
گمت اتمتم گمت اعتعت گمت احس بلساني جامد
چني سيارة عتيگه وانكسر من عدها گايد
ردت افلت ما عاد ينفع گالت اتفضل شرايد
گلت عفواً من رخصتچ بلكي عندچ قلم زايد
مع تحياتي ...........اختكم الكسندرا | |
|
abo love
عدد المساهمات : 139 السٌّمعَة : 0 تاريخ التسجيل : 01/07/2009 العمر : 34 الموقع : من البيت
| موضوع: رد: قصة طالب يريد يصارح بنيه طالبة وياه بالقسم(قصيدة تحشيش)....... الجمعة يوليو 31, 2009 5:05 am | |
| عاشت ايدج
هذا تقريبا حال 95% من طلاب الجامعة
حتى الاقلام خلصن
ههههه
مع تحياتي | |
|
AQEEL
عدد المساهمات : 360 السٌّمعَة : 3 تاريخ التسجيل : 18/07/2009 العمر : 43 الموقع : www.youtube.com
| موضوع: رد: قصة طالب يريد يصارح بنيه طالبة وياه بالقسم(قصيدة تحشيش)....... الجمعة أغسطس 28, 2009 8:38 am | |
| عاشت الايادي وردة والله موضوع متميز ورائع hahahahahahahah | |
|
جمانه
عدد المساهمات : 1269 السٌّمعَة : 3 تاريخ التسجيل : 24/07/2009 العمر : 36
| موضوع: رد: قصة طالب يريد يصارح بنيه طالبة وياه بالقسم(قصيدة تحشيش)....... الثلاثاء سبتمبر 22, 2009 2:11 am | |
| ههههههههههه يسلمووووووو الكسندرا عالقصيده
تحيااااااااتي | |
|